Një makinë ka rënë në lumin Mat pak minuta më parë. Aksidenti ka ndodhur në aksin e vjetër rrugor Lezhë-Milot.
Makina e tipit ‘Benz’ me targë AA 272 JN poo kalonte mbi urën e lumit Mat në momentin kur ka përfunduar në lumë, e për pasojë thuhet ka gjetur vdekjen një person. Trupi i pajetë dyshohet të jetë i drejtuesit të mjetit.
Deri më tani nuk dihen rrethanat e ngjarjes, ndërsa policia ndodhet në vendin e aksidentit.
Policia e ka nxjerrë mjetin tani në anë të lumit dhe s’ka konstatuar njerëz të tjerë brenda në mjet.
Sqarohet se mjeti ka qenë në lëvizje nga Miloti në drejtim të fshatit Berzane.
