Xhudistja Majlinda Kelmendi fiton një tjetër medalje të artë, këtë herë në Duseldorf të Gjermanisë. Kampionia nga Kosova ka mposhtur kundërshtaren nga Mongolia, Sosorbaram Lkhagvasure.
Pas fitores së medaljes së artë, trajneri i saj Driton Kuka ka bërë një postim në Facebook, ku shkruan mes të tjerash: “E artë”.
Xhudistja Majlinda Kelmendi, e kurorëzuar me titullin Kampione Bote dhe Kampione Olimpike, është një nga shumë xhudistët tjerë që me suksesin e tyre në fushën e sportit, bënë që shtetin e Kosovës ta njohë bota.
