Ish-ministrja e Integrimit, Majlinda Bregu ka rrëfyer një “sherr” që ka pasur me të bijën për një foto.
Teksa ishte e ftuar një ditë më parë në emisionin “Studio e hapur”, Bregu foli për marrëdhënien me të bijën, Kejda Ajazi.
Kjo e fundit prej kohësh është zhvendosur në Bruksel, ku vijon studimet, ndërsa si vajza e ish-deputetes, nuk ka si t’i shpëtojë vëmendjes së medieve.
Bregu ka treguar një rast sesi një foto e së bijës ishte bërë shkak për një përplasje mes tyre.
“Një ditë ma mbylli gojën. Kishte publikuar një foto duke ecur rrugës dhe portalet shkruanin se bën shopping. Unë që flas me të dhe i them: ‘Nuk gjeje dot një vend tjetër për të kaluar?’ Po aty e kapa që thashë një budallallëk. Ndërsa Kejda më tha: ‘Pse kërkon të më kushtëzosh lirinë?’. Aty i thashë vetes qetësohu. Por më shqetësojnë lajmet e portaleve,” rrëfeu ish-ministrja e Integrimit.
