Pas humbjes me Lushnjën, trajneri i Teutës, Gugash Magani është shprehur se do të japë dorëheqjen nga trajnerë i ekipit. Ai kishte paralajmëruar edhe një javë më parë se do të largohej nga stoli i durrsakëve, por presidenti nuk e kishte pranuar atë kërkesë. Këtë herë është e pashmangshme thotë Magani, pasi edhe ai vetë nuk po ndjehet mirë me atë që po bëjnë lojtarët në fushë. Kjo ishte humbja e katërt radhazi në kampionat për Teutën, ndërsa Magani është i bindur se kjo ka ardhur nga senatorët e skuadrës që kanë duhet të ketë kujdes edhe trajneri i ardhshëm.
“Nuk ishte vetëm faji i Osemenes. Është fundi i një cikli për mua tek Teuta, është një skuadër që meriton më shumë pikë. Jo ne si staf por presidenca dhe tifozët meritojnë më shumë. Është 5-ta ndeshje që ne shthuremi në fund. Ka ardhur koha që unë ta mbyll këtu aventurën time me Teutën sepse nuk kam motivimin e duhur për të ndryshuar gjërat. Mendoj që kjo skuadër ka nevojë për një fytyrë të re në stol për të. Ajo që duhet të bëjë trajneri i ri është t’u këpusi kokën senatorëve”.
Por si do ta presë presidenti Edmond Hasanbelliu dorëheqjen e Gugash Maganit?
“ E di që presidenti do mërzitet, me mua se para një jave nuk e pranoi dorëheqjen time por unë jam një njeri me karakter ashtu si presidenti dhe mendoj që Hasanbelliu për të mirën e Teutës këtë herë do ta pranojë dorëheqjen time”, ka përfunduar Magani.
