Zgjedhjeve evropiane të vitit 2019 si dhe e ardhmja e BE-së është ajo që ul në një tryezë presidentin francez, Emmanuel Macron me liderët e partive politike franceze.
“Le Monde” shkruan se Macron është duke kërkuar që Franca të konsiderohet si një zonë elektorale e vetme në zgjedhjet evropiane të vitit 2019, që me shumë mundësi do të jetë një test në mes të mandatit për partinë e tij të re.
Madje presidenti francez ka propozuar që 73 vendet e Britanisë së Madhe në Parlamentin Evropian të zgjidhen nga një listë e re pan Evropiane, pasi britanikët do të largohen nga BE-ja në mars 2019. Kjo ide u prit ftohtë nga partia kryesore opozitare e qendrës së djathtë, “Les Republicains” (LR).
“Një listë pan Evropiane mund të justifikohet vetëm në kontesktin e një Bashkimi Evropian federal dhe mund të krijojë distancë mes qytetarëve dhe përfaqësuesve”, theksoi Bernard Accoyer, sekretari i përgjithshëm i LR-së pasi u takua me Macron-in.
