Një vajzë e porsalindur ishte lënë në një shkurre nga nëna e saj, në mëshirë të fatit. Ajo është zbuluar nga një qen hero, Macho, i cili tërhoqi pronari e tij nga rruga drejt një shkurreje thellë në një park në qytetin rus të Shën Petersburg.
E mbështjellë vetëm me një bluze, vajza ishte në minutat e fundit të jetës së saj dhe po vuante nga hipotermia dhe mungesa e oksigjenit. Por qeni kishte dëgjuar të qarat e foshnjës dhe drejtoi pronarin drejt saj. Burri mori menjëherë vajzë dhe shkoi drejt një patrulle që ruante parkun. Fëmija u dërgua në spital vetëm kur kishin mbetur vetëm pak kohë për ta shpëtuar.
“Do kishte qenë shumë e vështirë për tu vënë re nëse nuk do ishte gjetur nga Macho,”-tha një zëdhënës i Gardës Kombëtare Ruse. “Ky qen i zgjuar dërgoi pronarin, kundër vullnetit të tij, në një zonë të shkretë të parkut. Në thellësi të shkurreve, burri pa diçka të mbështjell me bluze. Ishte një vajze e vogël, që nuk kishte më fuqi të qante.”
Tashmë kanë kaluar pesë ditë nga gjetja e saj dhe stafi mjekësor shprehet se foshnja është mjaft e fortë dhe do të mbijetojë, ndërsa kanë nisur hetimet për gjetjen e nënës që e braktisi.
