Anëtari i Lëvizjes Vetëvendosje, Hysamedin Feraj ka hedhur akuza të forta në drejtim të kryemiinistrit Edi Rama. Përmes një postimi në rrjetet sociale, Feraj u shpreh se Rama e shikon Kosovën si pengesë për bashkimin e Shqipërisë me Serbinë.
Sipas tij, kreu i qeverisë shqiptare po e mënjanon Kosovën, dhe teksa Shqipëria, Serbia dhe Maqedonia e Veriut, njehsohen politikisht dhe ekonomikisht, si alternativë kundër BE-së dhe SHBA-ve.
”Edi Rama e shikon Kosovën si pengesë për bashkimin e Shqipërisë me Serbinë. Si çdo pengesë, Kosova duhet mënjanuar. Duhet lënë… në anën e BE-së! Përkundrazi, Serbia, Maqedonia e Veriut dhe Shqipëria duhet të njësohen politikisht dhe ekinomikisht, si alterantivë kundër BE-së dhe SHBA-ve. Ky ishte vizioni gjeopolitik që Rama propozoi në Prespë. Legjtimimi: Europa nuk na do! Serbia na do! Ne e duam Serbinë! Veç Albini po na pengon.’’, shkruan Hysamedin Feraj në rrjetin social, Facebook.
