Pasditen e sotme në Lushnjë ka ndodhur një ekzekutim i dyfishtë. Ndonëse ende nuk ka informacione zyrtare, paraprakisht mësohet se dy persona janë vrarë me armë zjarri në një atentat në shëtitoren e qytetit.
Ngjarja ka ndodhur pranë komisariatit, tek ‘Ura e Përroit’ në lagjen “Loni Dhamo”. Po kështu është plagosur edhe një person i tretë, i cili ndodhet në gjendje të rëndë në reanimacion. Dy viktimat, Jurgen Hoxha dhe Zamir Latifi, ndodhen të shtrirë në vendin e krimit.
Ndërkohë që personi i tretë është dërguar menjëherë në spital duke qenë se është në rrezik për jetën. Personi i plagosur është identifikuar me inicialet M.Xh, 26-vjeç. Sipas medieve i plagosuri është nipi i Aldo Bares, ish-kapo i Bandës së Lushnjës i cili vuan dënimin me burgim të përjetshëm në një nga burgjet e sigurisë së lartë në vend. Xhulio Shkurtit i është bërë atentat edhe disa kohë më parë ku mori një plumb në këmbë. Dy viktimat dhe i plagosuri kanë qenë të ulur në një bar-kafe kur janë qëlluar me breshëri kallashnikovi nga një automjet në lëvizje.
Atentati dyshohet se ka lidhje me ngjarjen e një viti më parë ku mbetën të plagosur në qytetin e Lushnjes, pikërisht shënjestrat e atentatit të sotëm, viktima Sajmo Xhelili dhe i plagosuri Xhulio Shkurti. Kjo është edhe pista ku po heton policia për zbardhjen e këtij krimi të rëndë. Në 2016-ën Xhelili dhe Shkurti u qëlluan me armë zjarri brenda në një lokal.
Burime policore thanë për Shqiptarja.com se pista e parë e hetimeve është trafiku i drogës. Në vendin e ngjarjes ka mbërritur edhe Drejtori i Përgjithshëm i Policisë së Shtetit, Haki Çako, ndërsa janë ngritur postoblloqe të shumta për kapjen e autorit.
Lushnje
Informacion paraprak
Në datën 11.10.2017 në lagjen “Loni Dhamo”, në vendin e quajtur “Ura e Përroit” Lushnje, nga persona të paidentifikuar ende është qëlluar me armë zjarri automatik dhe si pasojë kanë ndërruar jetë 2 shtetas, ka mbetur i plagosur rëndë 1 tjetër, si dhe ka marë dëmtim të lehtë edhe një shtetas tjetër i cili ndodhet në Spitalin e Lushnjes nën kujdesin e mjekëve pa probleme për jetën.
Viktimat janë shtetasit Z. L, 23 vjeç dhe J. H., 22 vjeç, banues në lagjen “Loni Dhamo”, Lushnje.
Shtetasi i plagosur rëndë është M.Xh, 26 vjeç, banues në lagjen “Loni Dhamo”, i cili po transportohet për në Tiranë.
Si dhe ka marrë demtim të lehtë shtetasi B.T, 66 vjeç.
Gjithashtu në Sallën Operative Lushnje ka ardhur një telefonatë se në aksin rrugor Lushnje-Berat, në po digjet një mjet.
Grupi hetimor ka shkuar menjëherë ku ka gjetur në automjet tre arme zjarri automatike.
Automjeti dyshohet se mund të jetë i autorëve.
Eshtë ngritur grupi hetimor i cili po punon për zbardhjen e plotë të ngjarjes.
Janë ngritur pika kontrolli në hyrje-daljet e qytetit me qëllim identifikimin dhe kapjen e autorëve të kësaj ngjarje.
