Kreu i Partisë Demokratike, Lulzim Basha ka treguar se si është njohur me bashkëshorten e tij, Aurelën.
Teksa zhvilloi një takim me banorë të njësisë nr.9 në Tiranë, Basha tha duke buzëqeshur:
“I njoh këto rrugët, nga futeshim e nga dilnim sepse shtëpinë e tyre e ka këtu poshtë. Kam kohë pa ardhur por nuk i kam harruar megjithatë këto kthesa nuk kanë ndryshuar. Njeriu nuk i harron kurrë vitet e fëmijërisë megjithëse kjo lagje më ka falur dashurinë e jetës sime dhe nënë e dy vajzave të mia. Kam edhe kujtime të tjera, kur bënim ushtrimet e matematikës në shtëpinë e profesor Koçit dhe zysh Meritës. Në kat të tretë apo të katërt? I treti, po. Dhe nga kati 3 shihnin atë shtëpinë me portokalle përpara, dhe më pas dilje nga anash dhe shkoja tek shtëpia e Aurelës”.
