Luftëtari u mposht nga Skënderbeu në javën e fundit të kategorisë Superoire, ku vendimtare ishte një penallti inekzistente e dhënë në favor të korçarëve nga arbitri Emirjon Sino. Gjirokastritët duke qenë pala e dëmtuar kanë dërguar një shkresë në FSHF, ku kanë kërkua që gjyqtari Emirjon Sino dhe asistenti Ilir Tartari të mos gjykojnë më kurrë ndeshjet e skuadrës së Luftëtarit.
“Jemi gati të humbasim vetë ndeshjen në tavolinë për të mirën e garës, sepse kështu të paktën nuk do të shëmtohet produkti që shesim, kampionati i Kategorisë Superiore”, shkruhet në shkresën e dërguar FSHF-së.
Klubi i futbollit Luftetari, nuk do te zbrese me ne fushe, ne rast se gjyqtar do te jete Emirjon Sino apo asistent Ilir Tartari. Ky eshte vendimi i klubit per te perjashtuar nga marrdheniet e tij keta dy personazhe qe neperkembin djersen e lojtareve tane apo investimin e presidences. Falenderojme gjithe sportdashesit e Superliges dhe ne vecanti tifozet tane per mbeshtetjen ne kete rast skandaloz dhe i bejme thirrje per vetepermbajtje, pasi Gjirokastra eshte burim i vlerave te pastra sportive. Jemi te vendosur qe te kerkojme ne rruge instituciuonale te drejten tone ndersa nga ana sportive pergjigjet do ti japim ne fushen e blerte.
Ju Faleminderit!
