Roja bregdetare turke ka hequr një flamur grek që ishte ngritur në një ishull në Detin Egje, jashtë brigjeve të qytetit turistik turk Didim, tha të hënën kryeministri turk Binali Yildirim.
“Ne ishim të informuar për veprime të caktuara nga fqinji jonë, Greqia, e cila vazhdimisht po rrit tensionet në Egje,” tha Yildirim. “Në mënyrë të veçantë shohim incidente të ngjashme me atë të Imisë që kanë të bëjnë me sovranitetin dhe me status të papërcaktuar”, tha ai.
Nga Stambolli, Yildirim tha se Greqia kohët e fundit ka shkelur ishujt në Egje dhe ka tentuar të ngrejë një në Didim.
“Ka ishuj shkëmborë të pabanuar që nuk kanë përkatësi të përcaktuar. Shikojmë që ka iniciativa të ngjashme me ato të Karadakut për këto ishuj. Në ishullin e Didimit ka një përpjekje për të vendosur flamurin grek. Roja jonë e sigurisë kreu ndërhyrjen e nevojshme. Atë flamur e hoqën prej aty”, tha Yldirim në një prononcim për mediat.
“Këshilla jonë për Greqinë është që të qëndrojë larg provokacioneve që rrisin tensionin mes marrëdhënieve për fqinjësi të mirë dhe të veprojnë brenda normave të fqinjësisë. Presim që të gjithë ta dinë se në nuk bëjmë kompromis me sovranitetin e vendit tonë. Pavarësisht nga kushtet, ne jemi të angazhuar për të dhënë përgjigjen e merituar për çdo veprim.”
Lajmi ka bërë bujë edhe në mediat greke. Burime nga Ministria greke e Mbrojtjes thanë se po e verifikojnë lokacioni ku ka ndodhur ndërhyrja. Ndërkohë, nuk ka ende një përgjigje zyrtare nga autoritetet greke për Kryeministrin turk. TIRANA TODAY
