Qeveria ka nisur një aksion të ri, pas ati të dritave, të ndërtimeve pa leje, të kuponit tatimor dhe të ujit, tani është përqendruar te furrat e gëlqeres. Në malin e Krujës ka nisur një aksion për mbylljen e furrave që ushtrojnë aktivitetin në kundërshtim me ligjin.
Ky aksion i qeverisë shqiptare po drejtohet nga Ministria e Turizmit dhe Mjedisit. Në këtë zonë janë parashikuar të mbyllen në total 34 furra të cilat shkaktojnë një ndotje alarmante për Krujën, Fushë Krujën dhe fshatrat përreth.
Për të ndjekur nisjen e aksionit ditën e sotme ishte i pranishëm në Krujë edhe ministri Blendi Klosi. Ai paralajmëroi ndëshkime të ashpra, për të gjithë ata që do të tentojnë t’i rivënë në punë furrat.
