Është përfolur shpesh për fillimin e një lufte mes presidentit Donald Trump dhe liderit të Koresë së Veriut, Kim Jong-un. Por, ajo që dihet me siguri është se ata ndodhen tashmë në një luftë fjalësh.
Kim Jong-un e kishte quajtur Donald Trump një “plakush lunatik”, por edhe presidenti i SHBA-ve ka ditur si të përgjigjet.
Ai ka përdorur një ironi therëse në rrjetin social Twitter, teksa shkruan:
“Përse Kim Jong-Un më fyen duke më quajtur ‘plakush’ kur unë nuk do e quaja kurrë ‘të shkurtër dhe të shëndoshë’. Epo mirë, po përpiqem shumë të bëhem shoku i tij – dhe ndoshta ndonjë ditë kjo do të ndodhë”, përfundon Trump.
Presidenti amerikan u bëri thirrje “të gjitha kombeve përgjegjëse” nga Hanoi që të veprojnë për të ndihmuar në ndalimin e kërcënimit bërthamor dhe raketor të Koresë së Veriut.
Why would Kim Jong-un insult me by calling me “old,” when I would NEVER call him “short and fat?” Oh well, I try so hard to be his friend – and maybe someday that will happen!
— Donald J. Trump (@realDonaldTrump) November 12, 2017
