Prej muajsh Shtetet e Bashkuara kanë akuzuar dy shtetas kinezë për vjedhje të sekreteve tregtare nga disa prej kompanive kryesore amerikane të aviacionit dhe hapësirës. Zhu Hua dhe Zhang Shilong akuzohen si pjesë e një organizate botërore hakerimi për vjedhjen e të dhënave sensitive të disa agjencive qeverisëse amerikane dhe korporatave.
Sipas departamentit të drejtësisë amerikan, shtetasit kanë marr në mënyrë ilegale pronësi intelektuale, sekrete teknologjike dhe të dhëna personale të mbi 100,000 anëtarëve të marinës.
Teksa asnjë prej të akuzuarve nuk është arrestuar, Amerika pretendon se kanë bashkëpunuar me ministrinë e sigurisë shtetërore të Kinës, në mënyrë që të marrin përsipër krimet.
Por, zëdhënësja e ministrisë së jashtme kineze Hua Chunying akuzoi SHBA-në për minimizimin e zhvillimit të vendeve të tjera në mënyrë që të mbrojë dominimin e vet ekonomik. Në një konferencë për shtyp, ajo tha se Amerika është duke “trilluar fakte” sa i takon akuzave të hakerimit.
“Qeveria kineze asnjëherë nuk ka marr pjesë apo ka mbështetur vjedhjen e sekreteve tregtare, në asnjë lloj mënyre. Amerika është një superfuqi botërore dhe është shumë arrogante dhe egoiste.”
Ndërkohë, Drejtori i FBI-së, Christopher Wray tha për mediat se është vetë shteti i Kinës i cili paguan individë të ndryshëm, për t’i përdorur si spiunë në sektorin e ekonomisë.
“Le ta themi shkoqur, qëllimi i Kinës është të zëvendësojë Amerikën si superfuqinë më të madhe globale”,- the drejtori i FBI-së.
Aleatët e Amerikës si Anglia, Australia, Kanadaja dhe Zelanda e Re; kritikua n Kinën se ishte duke shkelur marrëveshjen e Pekinit, të bërë në 2015-ën, ku nuk do të hakeronin për përfitime komerciale. Përshtati: Tirana Today Burimi: The Independent
