Tensionet e ditëve të fundit me Turqinë, kanë shtyrë shtetin grek që të blejë 4 luftanije nga Franca. Anijet do të jetë të tipit “Belharra” të gjeneratës së fundit. Këta do të përdoren në ndonjë rast rreziku nga pala greke, pasi Ankaraja dhe shteti helen muajt e fundit kanë pasur përplasje në Egje, por gjithashtu Turqia ka kërcënuar për ZEE të Qipros.
E ndërsa disa media greke e kanë konfirmuar tashmë këtë lajm, ata që kanë ngritur pikëpyetjen janë mediat gjermane. Këta të fundit shkruaj për mundësitë financiare të Greqisë, për t’i blerë këto anije në një kohë që ekonomia e saj është shumë e brishtë.
Por, Athina duket se ka rënë dakord me Parisin për blerjen në fillim të dy luftanijeve, vlera e te cilave shkon në 2 miliardë euro dhe më pas do të nënshkruajë kontratë edhe për dy të tjera, menjëherë pasi Banka Qendrore Evropiane të çlirojë fitimet e saj nga obligacionet e mbajtura aktualisht të qeverisë greke.
Fregatat “Belharra” janë anije të teknologjisë së lartë, që kanë jo vetëm sisteme të mbrojtjes detare, por sigurojnë mbrojtje të gjithë zonës ajrore duke u bërë një faktor mbizotërues në det dhe ajër. Deri në ndërtimin e plotë të fregatave moderne franceze në 2021, Parisi do t’i huazojë Athinës dy luftanije të tjera të tipit “Fremm”.
Pavarësisht krizës financiare dhe viteve të vështira për popullin grek, sipas të dhënave të Institutit Ndërkombëtar për Paqe Ndërkombëtare në Stokholm (SIPRI), Greqia ka blerë prej vitit 2011 deri në 2016, 20 helikopterë francezë ushtarakë të tipit NH-90 me kosto 546 milionë euro dhe 60 raketa anti-anije të tipit MM-40.
Ndërsa vjet Athina filloi financimin e një programi për përmirësimin e avionëve luftarakë F16 dhe mirëmbajtjen e raketave anti-ajrore S300 me vlerë mbi 1.2 mld euro. Greqia vazhdon të mbaje vendin e tretë për shpenzime ushtarake në nivelin 2.3 % të PBB, pas SHBA dhe Frances, duke lënë pas Turqinë dhe Britaninë. TIRANA TODAY
