Shqipëria po kalon një periudhe të vështirë më problemet me drogën dhe drejtësinë. Lufta politike tani është se cila nga forcat politike do të marrë postin e kryeprokurorit pasi mandati i Adriatik Llallës mbaron pas një muaj.
I ftuar në rubrikën ‘Opinion’, analisti Fatos Lubonja komentoi se si do të veprohet për zgjedhjen e kryeprokurorit të ri, që sipas gjasave do të jetë i përkohshëm. Lubonja tha se sugjerimin e OPDAT dhe EURALIUS janë shumë të qarta dhe mjafton qe të ndiqen ato. Ai theksoi se kryeministri Edi Rama synon që të zgjedhë një prokuror me shumicë të thjeshtë, pasi kërkon që të ‘kapë’ drejtësinë.
Analisti nënvizoi faktin se strategjia e Ramës është që të kontrollojë institucionet e drejtësisë. Po ashtu, Lubonja pohoi se i gjithë debati mes partive politike është një ‘luftë bandash’, për faktin se kush do ta kapë Prokurorinë por ne duam drejtësi.
Lubonja: Rama synon të zgjedhë Prokurorin e Përgjithshëm me shumicë të thjeshtë. Ai ka strategji për të kontrolluar institucionet e drejtësisë. Për çudi, këtë versionin që kryeprokurori të jetë i përkohshëm e ka mbështetur edhe OPDAT dhe EURALIUS. Jam dakord që ai të ikë (Llalla). Por ky ‘i përkohshmi’, duhet të zgjidhet me kritere dhe të jetë i pranuar nga të gjitha palët. Këtë luftë e bëri opozita. Rama kishte si synim që ta kapte drejtësinë. Ajo reforma që u bë, ishte një grusht shteti në një farë mënyre. Me këtë lëvizje, është një lëvizje që do të krijojë shumë tension. Ku kemi dosjet e hapura, duam transparencë. Ku kemi dyshime se maxhoranca po mbron Tahirin. Jo vetëm që nuk krijon transparencë, por krijon idenë që drejtësia nuk i dihet se kur do të vij. Edhe prokurori Llalla nuk ishte me Berishën. Mos e kujtoni këtë. Visho Ajazai konsiderohej njeriu i Berishës. Por ai e caktoi në NATO (Rama). Ne nuk kemi qenë pas dere, por ama është e qartë që kemi një strategji për të kontrolluar institucionet. Edhe një prokurori dhe kryetari i SHISH, të Berishës, kur iku ky nga pushteti (Berisha), u kthyen me maxhorancës, dhe Ramën. Ky i do të gjitha plotësisht (Rama). Nuk ka ide që drejtësia të jetë e pavarur. Prova më e qartë është ajo që po ndodh me Saimir Tahirin. Ata bëjnë ‘luftë bandash’ me njëri tjetrin, se kush do ta kapë Prokurorinë. Por ne duam drejtësi.
