Analisti Fatos Lubonja e ka quajtur si dështim zgjedhjen e Arta Markut si kryeprokurore të përkohshme. Në një lidhje të drejtpërdrejte me Skype për “News 24”, Lubonja deklaron se shqiptarët dje panë atë që ka ndodhur dhe më parë, një kapje të drejtësisë dhe përdorimin e prokurorit sipas interesave të tyre personale. Analisti e quajti Arta Markun si një ushtare të partisë që sot ka shumicën dhe si e bindur ajo tha “betohem”.
“Dje pamë atë që ka ndodhur dhe më parë një kapje të drejtësisë dhe përdorimin e prokurorit sipas interesave të tyre personale. Prokurorja e re tha si ushtre “betohem”. Ndryshimi te ne do të vijë kur të mos presim shpëtimin nga të huajt dhe nga ambasadorët. Kjo prokurore dhe sikur të ketë vullnet të mirë vetë nuk mund të ndryshojë asgjë”, tha Lubonja.
Situata në Shqipëri do të jetë po ë njëjtë tha Lubonja duke mos patur asnjë dyshim se do të ketë ndryshime. Ai mori në analizë rastin e Kosovës ku tha se është bërë vettingu 7 vite me parë dhe se asnjë politikan nuk është pas hekurave me gjithë praninë dhe ndërhyrjet e ndërkombëtarëve.
“Nuk kam as dyshimin më të vogël që situata nuk do të ndryshojë në Shqipëri. Ju sjell rastin e Kosovës, atje është bërë vettingu para 7 vitesh dhe ndërhyrja e ndërkombëtarëve është e madhe. Atje nuk është futur asnjë politikan në burg, asnjë nga çlirimtarët e rremë që sollën lirinë nuk është futur në burg. Po të kishte një prokurori dhe gjykatë të drejtë e gjithë kjo klasë politike shqiptare do të ishte në burg”, deklaron Lubonja.
Shpëtimin analisti e shikon te një lëvizje e brendshme e qytetarëve sepse vetëm atëherë mund që të vijë ndryshimi. Lubonja tha se nuk kemi media dhe institucione që të jenë mbi këto parti politike, ndaj duhet një lëvizje qytetare që mund të fillohet që të bëhen ndryshime në këtë vend.
“Por shpëtimi vjen kur çdo individ që përbën popullin të kuptojë se nuk dihet të vazhdojmë më kështu. Populli tashmë i ka provuar me radhe këto parti dhe se çfarë bëjnë ata kur vijën në pushtet. Këto parti politike kanë më vete bandat dhe militantët e tyre ndaj ndodhin dhe ngjarjet si ajo e djeshmja.
Nuk ka media dhe prokuror dhe gjykatës mbi këto parti, ndaj dhe populli rri spektator sepse askush nuk është mbiu këto parti. Shqiptarët kanë gjetur si mënyrë reagimi vetëm ikjen nga ku vend dhe mosbesimi se nuk do të ndryshojë këtë situatë, shtoi Lubonja.
