Analistët Andi Bushati dhe Fatos Lubonja duke diskutuar me një ndër figurat kryesore në Partinë Demokratike, (e lënë jashtë listës së zgjedhjeve) Jozefina Topalli, theksojnë se nëse kryeministri Rama dhe kryedemokrati Basha do të qeverisin pas 25 qershorit, atëherë kjo do të shënonte fundin e opozitës në Shqipëri. Ndërsa sipas vetë Topalli, ky veprim politik do të zhdukte vetë Partinë Demokratike.
Nga ana e tij, analisti Lubonja vuri në dukje në emisionin “Të Paekspozuarit” se nëse realizohen ato që thotë Basha për pastrimin e politikës nga të inkriminuarit, do të justifikonte plotësisht edhe zhdukjen e Partisë Demokratike.
Andi Bushati: Sot ne nuk kemi një përfaqësim të shpirtit opozitar, kjo nuk është Partia Demokratike. Por, kur duhet të bënim fushatë, futi PD në çadër, kur duhet të shkojmë në zgjedhje në Kavajë, ai tha duhet të bëjmë protestë. Pse është kaq e fshehtë kjo marrëveshje PS-PD? Cila është marrëveshja? Pse mbahet e fshehtë kjo marrëveshje? Çfarë na fsheh kjo marrëveshje.
Fatos Lubonja: Marrëveshja PD-PS, është vdekja e opozitës në Shqipëri. Nëse ka marrëveshje këta mos t’ia kërkojmë Bashës, por Sali Berishës, sepse Berisha nuk po thotë asnjë fjalë. Dhe unë e kam të vështirë ta besoj, se nëse ka marrëveshje, Berisha është mbrapa kësaj marrëveshje. Më mirë të kishte ardhur Jamabër Malltezi sesa të rrinte Berisha.
Topalli: Marrëveshja Rama-Basha synon zhdukjen e Partisë Demokratike.
Lubonja: Nëse arrihen ato që thotë Basha për “Republikën e Re”, atëherë nuk do të më vinte keq për zhdukjen e Partisë Demokratike.
