Bashkëpunimi me Luana Vjollcën ka qënë mjaft i suksesshëm, madje këtë fakt e pranoi vetë Bujar Qamili. Video e nxehtë, me të rinj që kërcejnë e Luana e cila nxjerr në pah linjat e saj, kanë shkaktuar xhelozi tek bashkëshortja e këngëtarit.
Me mjaft sportivitet e duke qeshur, këngëtari e pranoi se Luana i kishte shkaktuar ‘luftë’ me gruan, pasi ajo ishte ndjerë mjaft xheloze.
Bujar Qamili tregon se disa ditë pas publikimit të “Mi dhe flakë mallit tim”, bashkëshortja e tij ndryshoi sjelljen kundrejt tij.
“Ditët e para që doli kënga, pata pak vështirësi me gruan, se u bë xheloze. Por e zgjidhëm shpejt”, tha më tej këngëtari.
Ai tregoi në studion e Rudina Magjistarit se në fillim bashkëshortes së tij nuk i pëlqeu kënga, pasi ajo nuk donte që Luana t’i afrohej aq shumë, ose të ishte veshur në atë mënyrë. Këngëtari më pas tregoi se ajo tani ka ndryshuar mendim dhe tashmë i pëlqen, pasi e ka dëgjuar disa herë këngën e famshme.
