Pas deklaratës së ambasadorit amerikan pak ditë më parë në emisionin “Opinion” se baroni i drogës, Klement Balili do të arrestohet, ky i fundit do që t’i dorëzohet drejtësisë shqiptare, por me kushte.
Ambasadori Donald Lu: U zhduk por tani ka një mandat arresti ndërkombëtar për të dhe Shqipëria po e kërkon kudo në Europë dhe ne po ndihmojmë për këtë. Kelmend Balili, po ashtu me mandat arresti ndërkombëtar. Ne, amerikanët, besojmë se është ende në Shqipëri dhe ka mundësi të arrestohet në ditët që vijnë. Po shtyjmë shumë fort për këtë. E dini, Z. Balili është dënuar tashmë në Greqi për trafik droge. …
Gazetari investigativ, Artan Hoxha ka renditur kushtet e Eskobarit të Ballkanit nëse ai do të vendosë që t’i dorëzohet drejtësisë shqiptare.
Artan Hoxha: Ka pasur përpjekje të negociojë në lidhje me një dorëzim të mundshëm që të përfitojë dhe ti njihet si rrethanë lehtësuese gjatë procesit gjyqësor. Balili ka deklaruar se nuk dorëzohem sa kohë që dosja e tij nuk shkon në gjykatë. Këtë e ka ngritur si një kauzë të vetën se s’ka besim se do ketë një proces të drejtë në gjykatë dhe së dyti i trembet interferencave politike dhe këmbëngul pse duhet të dorëzohet ndërkohë që me legjislacionin shqiptar ai mund të qëndrojë në paraburgim deri në 2 vjet.
Sipas Hoxhës, Balili kërkon garanci që të mos bjerë në kurthin e politikës si dhe dosja e tij të shkojë në gjykatë. Hoxha tha se Balili rezulton të jetë përdorur nga të gjitha palët politike, ndërsa tani ka kërkuar garanci që procesi ndaj tij të jetë i drejtë.
Deklarata e Artan Hoxhës në News 24:
E ka bërë traditë ambasadori Donald Lu, u referohet me emra konkretë edhe pse jo në çdo rast ajo që ka thënë ai ka rezultuar më pas e kryer nga agjencitë tona të zbatimit të ligjit, por duke përmendur emra konkretë është përpjekur të përcjellë mesazhe të forta dhe për ti dhënë një mesazh klasës politike të mos vazhdojë të sigurojë paprekshmërinë e organizatave të mëdha kriminale që vazhdojnë të jenë aktorë shumë të rëndësishëm në trafikun e drogave të forta duke siguruar sasi të mëdha financiare, që nëpërmjet tyre influencohet edhe në zgjedhjet parlamentare apo lokale.
Duket sikur Balili ishte harruar dhe u desh ndërhyrja e ambasadorit për ta rikthyer edhe një herë në skenë. Përmendja e fundit s’ka qenë në Shqipëri, por ka qenë në vendet e BE. Balili vazhdon të jetë në kërkim që nga 12 maji i 2016 dhe është më i kërkuari në Shqipëri. Pas përmendjes së emrit të Balilit, dëgjojmë një debat të fortë mes opozitës dhe mazhorancës në Parlament.
Balili është një personazh që nëse do shohim të kaluarën, çuditërisht rezulton i lidhur me të gjitha palët, në fushata elektorale, duke mbështetur njërën apo tjetrën në varësi të situatave që kanë qenë në vend.
Ai vazhdon të jetë në kërkim, hetimet në Shqipëri nuk kanë ecur dhe kjo është një problem i madh, se prokuroria jonë kur ishte Llalla deklaronte se autoritetet greke vonojnë dërgimin e materialeve shtesë për çështjen Balili.
Por ka një hetim që ka filluar në prill 2016 që edhe ai nuk ka ecur. Fakti që dosja s’është dërguar ende ne gjykatë ka ndikuar që edhe Balili të mos dorëzohet.
E dëgjova ambasadorin, nuk e di nga e ka ai atë informacion, por di që ka përpjekje të mëdha të policisë shqiptare për ta arrestuar, edhe kohët e fundit, ka një shpërblim të konsiderueshëm, për personin që ndihmon,100 mijë euro por edhe kjo s’ka rezultuar masë efektive.
Ka pasur përpjekje të negociojë në lidhje me një dorëzim të mundshëm që të përfitojë dhe ti njihet si rrethanë lehtësuese gjatë procesit gjyqësor.
Balili ka deklaruar se nuk dorëzohem sa kohë që dosja e tij nuk shkon në gjykatë. Këtë e ka ngritur si një kauzë të vetën se s’ka besim se do ketë një proces të drejtë në gjykatë dhe së dyti i trembet interferencave politike dhe këmbëngul pse duhet të dorëzohet ndërkohë që me legjislacionin shqiptar ai mund të qëndrojë në paraburgim deri në 2 vjet.
Ka deklaruar që në momentin që dosja e prokurorisë shqiptare shkon në gjykatë, nga ai moment mund të shikojë mundësinë që të dorëzohet se afati i qëndrimit të tij nga ai moment e mbrapa është i caktuar me ligj.
Në Greqi hetimet kanë vazhduar, prokuroria ka dorëzuar dosjen në gjykatë, por për personat që nuk arrestohet, çështja pezullohet, në rastin konkret ai s’është arrestuar dhe pjesa e dosjes së tij është veçuar nga ata që janë dërguar ne gjyq.
Në Greqi mesa di unë s’ka burgim të përjetshëm për trafikun e narkotikëve, megjithatë kjo i mbetet gjykatës. Besoj se shumë shpejt do kemi mundësinë ta dëgjojmë edhe Klement Balilin.
Balili ka një avantazh të mos ketë rrjedhje informacioni në zonën ku është me origjinë dhe ku ka banuar, ndryshe nga pjesa tjetër kriminale, Balili s’ka armiq natyralë dhe nuk është përfshirë në asnjë vrasje.
