I ftuar në emisionin ‘Real Story’, ambasadori amerikan, Donald Lu, u shpreh se nuk e ka paragjykuar Saimir Tahirin. Po kështu, duke ju referuar asaj që kanë dalë në media, SHBA mendojnë se ka prova reale për manipulimin politik të kësaj kësaj çështje.
Ai është i mendimit se çështja në fjalë është mjaftueshëm e rëndësishme dhe meriton të vendoset në gjykatë nga një gjykatës që ka kaluar Vettingun, sipas provave, dhe jo sipas presionit politik.
“Nuk e kemi paragjykuar Saimir Tahirin. Ajo që kam thënë dhe do e përsëris është se shumë shqiptarë, dhe unë, mendojmë se ka prova reale që i sheh në media çdo herë që del kjo çështje, për manipulim politik të çështjes.
Tani, ne besojmë, Qeveria e SHBA beson se kjo çështje është mjaftueshëm e rëndësishme, sa meriton të vendoset në gjykatë nga një gjykatës që ka kaluar Vettingun, sipas provave, dhe jo sipas presionit politik. Këtë kërkojmë.
Mbështesim përpjekjet që kjo të shkojë përpara në mënyrë transparente. Z. Tahiri ishte ministër kur këto krime pretendohen të jenë kryer. Është logjike të mendohet se kjo çështje në fakt mund të jetë një nga të parat që do të gjykohet në një gjykatë të SPAK, nga gjyqtarë dhe prokurorë që kanë kaluar Vettingun. Kjo është diçka që do ta mbështesnim fort”, përfundoi ambasadori Lu.
