Gramoz Ruçi ka folur sot nga qyteti i Fierit për zgjedhjet parlamentare të 18 qershorit. Kreu i grupit parlamentar të PS-së tha se zgjedhjet do të mbahen me, ose pa opozitën.
Gjithashtu, Ruçi ripërsëriti fjalët e kryeministrit se politika është shah, teksa tha:
“Thashë që do të zgjedhim Presidentin dhe e zgjodhëm atë. Politika është shah, luhet”.
Kreu i grupit parlamentar të PS-së bëri edhe një koment si kundërpërgjigje ndaj eksponentëve të forcës së dytë më të madhe në koalicionin qeverisës, të cilët thonë se LSI do të dalë forcë e parë në zgjedhje:
“Zgjedhjet do të përcaktojnë nëse LSI do jetë forcë e parë apo opozitë”.
