Nga: Marsela Sinani/ Protestat e dhunshme në Rumani, i kanë shkaktuar disa ide të çuditshme ish-kryeministrit Berisha, të cilat i ezauroi me popullin shqiptar. Faqja e tij, e cila është kthyer në qarje hallesh, me theks të veçantë në gjithë të zezat që mbart qeveria në vetvete, përbante edhe një mesazh të fortë.
Teksa rreth 80 mijë vetë, shumica prej tyre rumunë që jetojnë jashtë vendit, demonstruan në Bukuresht, duke akuzuar qeverinë për korrupsion dhe duke kërkuar që ajo të japë dorëheqjen, Berishës i lindi ideja për një revolucion mbarëpopullor në Shqipëri, të atij që po ndodh në Rumani.
Ai e arsyetoi këtë revolucion, për të rrëzuar qeverinë e Ramës. Ndryshe nga ç’mund të kishte hamendësuar Berisha, këtë herë ndodhi një rebelim në masë nga ana e qytetarëve, të cilët e vunë me shpatulla pas murit.
Ata i kujtojnë një zëri se thirrjet për rrëmujë nuk kanë për ta shpëtuar nga tmerri që e ka zënë. Nga njëra anë kemi kryeministrin Rama, i cili i ka thirrur ministrat dhe kabinetet e tyre në një mbledhje informale parapërgatitore këtë të premte, në qytetin e Vlorës.
https://tiranatoday.com/qeveria-mbyll-pushimet-rama-therret-ministrat-ne-vlore/
Nga ana tjetër e medaljes qëndron PD e LSI, të cilët gjatë këtyre ditëve kanë bërë thirrje për kryengritje dhe shporje të kësaj qeverie.
Teksa protestat janë të pashmangshme për opozitën, me gjasë, beteja politike do të bëhet jo vetëm në shesh, por edhe në Parlament. Me nisjen e sesionit të ri parlamentar, politika pritet të kthejë në vëmendje çështje që kanë mbetur pezull.
Kryefjala e opozitës është përballja në rrugë me turma. Basha qëndron ende pas hijes së Berishës, duke shijuar rrezet e diellit, e ndërsa Kryemadhi shfrytëzoi festën e Kurban Bajramit, për ta dhënë mesazhin se ka ardhur koha për të qenë vëllezër me njëri-tjetrin.
https://tiranatoday.com/kryemadhi-njesoj-si-veliaj-jemi-vellezer-le-te-bejme-mire/
Mos vallë Mona ka harruar çizmen, apo çizmja e ka harruar atë? Koha do ta tregojë nëse do kemi ‘paqe’, apo ‘luftë’!
