Kryeministri Edi Rama përcolli sot një mesazh për deputetët e PD-së, të cilët pritet të mos e votojnë nesër Ruçin si kryetar Kuvendi, duke u thënë se po bëjnë një gabim të madh.
Megjithatë, duket se edhe Lëvizja Socialiste për Integrim nuk do e votojë Ruçin si kryetar kuvendi.
Lajmin e bën të ditur vetë kreu i grupit parlamentar, Petrit Vasili, i cili ka tha se LSI do të votojë kundër Ruçit dhe qeverisë “Rama 2”.
“Vota jonë do të jetë kundër Ruçit si Kryetar i Parlamentit. Nuk e votojmë qeverinë “Rama 2”.
Qeverinë “Rama 2” nuk e kanë votuar 80% e shqiptarëve”, deklaroi ai për Report Tv.
Në mbledhjen e grupit parlamentar të PS-së, kryeministri Rama tha se edhe nëse deputetët e PD-së votojnë kundër, sërish Ruçi do të zgjidhet në krye të Kuvendit me shumicë votash.
