Bashkëshortja e Lorikut ka zgjedhur të postojë gjithçka veç familjes në Instagram. Duket që është një arkitekte, një vajzë me shije, që i pëlqen të jetojë bukur, kureshtare ndaj të veçantave që ofrojnë vende të ndryshme, por me vështirësi e kupton që është bashkëshortja e futbollistit të njohur dhe mami i Boiken-it. Kohën me familjen ajo ka vendosur ta shijojë në realitet dhe dashurinë për ta, rrallë e shpreh publikisht.
Megjithatë largësia e Lorikut i cili ndodhet në Amerikë gjatë këtyre ditëve, ka ndikuar dhe te Monica.
Ajo ka ndarë një foto të atyre të dyve, i ka shtuar ca figura dhe ka shprehur që mezi po e pret bashkëshortin duke numëruar mbrapsht ditët.
“Më mungon dashuria ime”, shkruan ajo në foto duke treguar që duhet dhe një ditë deri në kthimin e tij.
Shumë romantike, sidomos kur e sheh në profilin e Monica-s ku postime si këto janë shumë të rralla.
