Na ndajnë vetëm 7 ditë nga ndeshja e parë e Shqipërisë në Ligën e Kombeve. Ndeshja e parë do të zhvillohet në “Elbasan Arena” dhe përballë do të kenë Izraelin. Kujtojmë që në një sfidë mes dy skuadrave rreth dy vite më parë policia ushtroi terror ndaj tifozëve dhe për këtë arsye ata e braktisën ekipin kuqezi për disa ndeshje.
Por ai që ka menduar që të japë një mesazh për tifozët në prag të kësaj ndeshje mjaft të rëndësishme është kapiteni legjendat, Lorik Cana. Ai u ka kërkuar tifozëve që të jenë sa më të shumtë në stadium për të mbështetur kombëtaren në këtë kompeticion.
Cana evidenton momentin delikat në ambientin kuqezi, ku trajneri Panucci po përpiqet të ndërtojë një grup të ri, që do të përfaqësojë Shqipërinë në vitet e ardhshme në të gjitha kompeticionet.
