Lokalizohen dy turistët belgë, të cilët kishin humbur gjurmët që prej mbrëmjes së djeshme mes Llogarasë dhe Dhërmiut.
Pas 12 orësh, Policia e Vlorës ka arritur të lokalizojë çiftin belg, Sem Besem 25 vjeç dhe Valeria Luk 27 vjeçe. Këta të fundit kanë zbritur nga zona malore mes Iljazit dhe Vranishtit. Në kërkimet e tyre ishin të angazhuar forcat e Policisë së Vlorës dhe DELTA-s.
Mësohet se çifti është lokalizuar në kamping në mal. Turistët dhanë alarmin pasi ishin shkëputur nga pjesa tjetër e grupit, teksa ishin në malin sipër Iliazit.
