Projektligji për lojërat e fatit kaloi në Komisionin e Ekonomisë me votat pro të gjithë deputetëve të mazhorancës. Opozita ka munguar, e ndërsa socialistët kanë votuar pro jo vetëm per permbajtjen në parim të projektligjit, por edhe kalimin nen per nen të draftit. Ndërsa ministri i Financave, Arben Ahmetaj u shpreh se në këtë nismë, qeveria “ka qytetarët me vete”. “Do të jetë një sfidë për tatimet, doganat dhe për mua”, tha ministri.
Ministri i Ekonomisë dhe Financave, Arben Ahmetaj, deklaroi se nuk ka kthim prapa, por 31 dhjetori është afati i fundit për ekzistencën e tyre. Ndërkaq, kreu i këtij komisioni, Erion Braçe tha se “operatorët kanë refuzuar zbatimin e ligjit, dhe vetëm tani kanë kërkuar ndërmjetësim”.
“Kush ka refuzuar zbatimin e ligjit, do të përballet me pasojat”, deklaroi Braçe.
“Janë krijuar pasoja sociale për shtresa të ndryshme të shoqërisë. Këto amendamente i japin fund përfundimisht veprimtarive të bingove”, shtoi kreu i Komisionit të Ekonomisë.
https://tiranatoday.com/bastet-7900-shqiptare-do-ngelen-pa-pune/
