Gykata e Apelit në Tiranë ka vendosur për të shtyrë në datën 27 prill seancën ndaj kryedemokratit Lulzim Basha, ish-sekretarit të Përgjithshëm Arben Ristani dhe financierit të PD-së Ilir Dervishi, për falsifikim formulari për çështjen e lobimin rus.
Kjo seancë u shty, për shkak se mungonte një anëtar i trupës gjykuese dhe një prokuror. Kreu demokrat akuzohet për falsifikim, në lidhje me lobimin e PD.
Kujtojmë këtu se Gjykata e Tiranës në gjyqin paraprak që u zhvillua në datën 13 janar, vendosi pushimin e çështjes së lobimit për Bashën dhe dy zyrtarët e tjerë të PD-së. Dy vite hetime nga Prokuroria e Tiranës, gjyqtari Lazer Sallaku i cilësoi të pavlefshme duke rrëzuar akuzën e ngritur nga organi i akuzës për falsifikim kundër Lulzim Bashës dhe dy zyrtarëve të tjerë të PD-së, pasi sipas tij nuk faktohet një gjë e tillë. Me një vendim të tillë, Prokuroria nuk ishte dakord dhe vendosi ta apelonte. E ndërsa sot Apeli i Tiranës vendosi ta shtynte seancën.
