Kryeprokurorja Arta Marku tha sonte se ka aktualisht një dosje te re për hetimin e lobimit të Partisë Demokratike. E ftuar sonte në emisionin “ Real Story” Marku tha se Prokuroria po bën punën e saj me profesionalizëm. Ajo tha se nuk mund të flasë shumë për çështjen e lobimit të PD-së sepse është një çështje e re ne hapat e para të hetimit
“Po çështja e lobimit të PD-së është një nga dosjet e reja. Prokuroria po bën punën e saj me profesionalizëm. Është një çështje e re ne hapat e para të hetimit dhe nuk mund të flas më shumë për të,” deklaroi Marku
Gjithashtu, Marku tha se për çështjet e vjetra që janë në hetim nuk ka shumë dëshirë të flasë por të veprojë. Ajo tha se po punohet intensivisht me ato dosje.
“Zhvillimet për dosjet e mëdha. Prokuroria po bën punën e saj. Dosjet të vjetra dhe të reja në çështjet e prokurorëve. Nuk preferoj të flas po të veproj,” tha Marku.
Kryeprokurorja deklaroi se në parlament do të prezantoi punën e vitit 2017, punën e paraardhësit të saj.
Marku tha se ka dosje të reja në hetim, duke sqaruar se ndaj të korruptuarve nuk njeh radhë dhe rangje por publiku do të informohet në momentin e duhur.
