Këshilltari i posaçëm i SHBA për hetimin e lidhjeve të Trump-Rusi, Robert Mueller, ka urdhëruar që banka gjermane e “Deutsche Bank” të nxjerrë të dhënat e llogarive të Donald Trump, thuhet në raporte.
Mullër ka lëshuar një urdhëresë në bankë disa javë më parë, duke lërluar të dhënat e transaksioneve financiare, shkruan agjencia e lajmeve Reuters dhe gazetës gjermane, Handelsblatt . Ai është personi, i cili po heton lidhjem e dyshuar midis fushatës presidenciale të Shteteve të Bashkuara të Amerikës dhe përfshirjen dhe ndikimn rus në tjetërsimin e rezultateve të zgjedhjeve.
Por çfarë thotë avokati i Donald Trump në lidhje me këtë çështje:
“Ne kemi konfirmuar se njoftimet e lajmeve se avokati i posaçëm i ka bërë thirrje të dhënat financiare në lidhje me presidentin, janë tërësisht të rreme,” tha avokati Jay Sekuloë për Reuters në një deklaratë.
“Nuk është lëshuar apo pranuar asnjë thirrje e tillë, e kemi konfirmuar këtë me bankën dhe burime të tjera”-shton ai
Hetuesit amerikanë theksojnë se po kërkojnë informacion mbi marrëdhëniet që lidhin Trump si pjesë e një hetimi mbi ndikimin e pretenduar rus në zgjedhjet presidenciale amerikane, sipas Handelsblatt dhe Reuters.Deutsche Bank, një nga huadhënësit kryesorë të Organizatës Trump, në projektet e saj të pasurive të patundshme, tha se nuk do të komentonte mbi asnjë nga klientët e saj.
Deklarata e përfaqësuesve të Deutche Bank për NBC News:
Megjithatë, në një deklaratë për NBC Neës, ai tha: “Banka jonë” merr seriozisht detyrimet e saj ligjore dhe mbetet e angazhuar të bashkëpunojë me hetimet e autorizuara për këtë çështje.”
Në qershor, banka më e madhe e Gjermanisë hodhi poshtë kërkesat për të dhënat e llogarive nga demokratët në Dhomën e Përfaqësuesve të SHBA për të dhënë detaje mbi financat e presidentit, duke cituar ligjet e privatësisë.
