Pas fjalës së mbajtur nga Basha, një kundërpërgjigje ka ardhur nga ministri i Brendshëm, Sandër Lleshaj. Ai tha nga foltorja e Kuvendit se gishtin e përgjegjësisë nuk duhet ta drejtojnë ndaj tij, pasi historia nuk do të përsëritet.
“E kam parë që gishtin tregues e drejtoni shpesh si një lloj pistolete. Mundohuni mos ta tregoni kurrë kundër meje. Ironia e historisë bën që ju të përdorni një pombë boje të zezë kundër Shqipërisë.
Nuk mund ta nxini as Shqipërinë, as Ministrinë e Brendshme. Kurrë nuk do më shihni mua në pozicionin që keni qenë ju në 2011. Kurrë nuk do arrini që Shqipëria të marrë atë njollë të zezë që ju i keni lënë në postin e ministrit.
Sa herë të drejtonii gishtin ndaj meje, t’ju kujtohet historia juaj. Keni 4 të vrarë nga struktura që ju keni drejtuar. Kur ta drejtoni gishtin, mendohuni mirë”, tha Leshaj.
