Kur Serie A ka përfunduar, Thomas Strakosha është bërë emri më i përfolur në merkato pasi finalistët e Champions League Liverpool kanë dërguar një ofertë konkrete për gardianin kuqezi prej 30 milionë euro. Por Napoli nga ana tjetër ka menduar që të argëtojë tifozët me një moment spektakolar nga ndeshja me Lazion.
Futbollisti i Napolit, Dris Mertens, ka shënuar këtë perlë në portën e mbrojtur nga Strakosha, i cili bëri një dalje të pastudiuar mirë. Belgu studioi mjaft mirë daljen e gabuar të gardianit të Kombëtares së Shqipërisë, Thoma Strakosha, duke shënuar kështu një gol spektakolar në portën e Lazios.
Krahas momenteve më të mira, Strakosha ka patur edhe momente zhgënjyese dhe një i tillë është ky supergol i pësuar nga gabimet e shqiptarit. Klubi i Napolit ka hedhur golin në “Facebook” duke kërkuar kështu reagimin dhe mendimin e tifozëve për mënyrën e ekzekutimit.
