Mbrëmjen e djeshme, shumica e partive politike përfshirë edhe dy më të mëdhatë, PS dhe PD, dërguan në Komisionin Qendror të Zgjedhjeve (KQZ), listën përfundimtare të kandidatëve për deputetë, të cilët do të garojnë në zgjedhjet parlamentare të 25 prillit.
Sipas avokatit, Spartak Ngjela, edhe kësaj radhe liderët kanë zgjedhur lista partie, por pyetja më e madhe është se sa të inkriminuar ka në këto lista.
Për Ngjelën, paralajmërimet e ambasadores amerikane janë shumë të qarta dhe se tashmë topi është në fushën e Uashingtonit.
”Nuk ka rëndësi ku e vendos veten, se ai e vendos në vend të sigurt. Nuk e vendos në numrin 20, as 12. Është problem kot. Brenda normalitetit të një fushate elektorale. Dmth në atë vend do marrë minimumi 8. Kjo është brenda nocionit të fushatës. E kanë bërë dhe të tjerë. Këto janë lista partie.
Topi është në fushën e Uashingtonit. Të shohim çfarë do na hedhin. Po nxori listën e këtyre, këta janë drejt zeros. Si do shpëtojnë? Do ikë Rama nga Stambolli, e më pas në Moskë. Do shqytohet, e ka zbatuar kërkesën apo jo. Unë di që janë më shumë se 1, më shumë se 2, më shumë se 4.”, tha Ngjela në ”News 24”.
