Lista Serbe nuk do e votojë demarkacionin mes Kosovës dhe Malit të Zi. Kjo bëhet e ditur nga një komunikatë e dërguar nga vet zyrtarë të Listës Serbe, ku thuhet ndër të tjera: “Lista Srpska nuk do ta votojë marrëveshjen për përcaktimin e kufirit me Malin e Zi”.
Kuvendi i Kosovës ka planifikuar që sot të mbajë seancë të jashtëzakonshme, ku në rend dite është votimi i Projektligjit për ratifikimin e Marrëveshjes për shënjimin e vijës kufitare mes Kosovës dhe Malit të Zi.
Po ashtu, në komunikatë thuhet se shkrimet në medet shqiptare se Lista do e votojë Demarkacionin, janë thjesht tendencioze.
Votën kundër Demarkacionit e ka paralajmëruar edhe Lëvizja Vetëvendosje, përderisa subjekti tjetër opozitar, Lidhja Demokratike e Kosovës, pritet që të kërkojë shmangien e votimit për raportin e Komisionit shtetëror, të cilin e konsideron vetëm si një draft të papërfunduar.
Për ratifikimin e Marrëveshjes për demarkacionin me Malin e Zi, nevojiten dy të tretat e votave të deputetëve të Kuvendit, pra, 80 nga 120.
