Çështja e vogëlushit Alvin Berisha, i cili vazhdon të jetë në kampin AL HOL të Sirisë, vazhdon të jetë një temë me sensivitet të lartë në vendin fqinj. Dje është raportuar se një nga ndërtesat më të rëndëishme në Milano, Kulla Pirelli do të mbajë në fasadë mbishkrimin “Free Alvin” (“Lironi Alvinin”).
Banderola gjigande e cila është vendosur për të sensibilizuar njerëzit dhe institucionet do të jetë e vendosur në kullë për dy ditë.
Sipas raportimeve të fundit, Alvin Berisha vazhdon të jetë ende në kampet e Sirisë. Nga ana tjetër, dje në parlament disa deputetë të opozitës kanë kërkuar dhe një interpelancë me KM Rama për këtë çështje. Ndërkohë, qeveria ka dhënë mesazhe se është e angazhuar maksimalisht për këtë çësthje.
Raportohet se në kampin famëkeq sirian ndodhen edhe 28 fëmijët e tjerë shqiptarë.
Rasti i Alvinit u publikua nga emisioni investigativ “Le Iene”. Ata arritën të futeshin në një nga kampet – burgje ku kurdët mbajnë ish-luftëtarët e ISIS.
