Lirohet nga qelitë e paraburgimit anëtarja e Autoritetit të Medias Audiovizive, Suela Musta. Gjykata e Elbasanit dha masën “arrest shtëpie” për 40-vjeçaren me profesion gazetare. Ajo akuzohet nga policia për korrupsion në lidhje me një transmetues kabllor në Elbasan.
Zyrtarisht u tha se Musta akuzohet për korrupsion, por pa u sqaruar asgjë se për çfarë bëhej fjalë dhe në çfarë rrethanash e kishte shkelur ligjin Musta.
Burimet ishin kontradiktore, pasi fillimisht thanë se ajo, bashkë me disa zyrtarë të tjerë, kishte ndërhyrë për të pajisur me një licencë kabllori anëtarët e familjes Çapja, raporton Panorama.
Masat për personat e tjerë të arrestuar:
Endri Çopja, 30 vjeç, lindur dhe banues në Elbasan
Bledar Karaj, arrest me burg , lindur dhe banues në Elbasan
Adem Boriçi, 61 vjeç, arrest shtëpie lindur e banues në Elbasan
Andrea Nathanaili, 67 vjeç, arrest me burg ,lindur Sarandë dhe banues në Tiranë
Suela Musta, 40 vjeç, arrest shtëpie, lindur dhe banues në Tiranë
Izmir Hajdari, 51 vjeç, arrest me burg lindur dhe banues në Tiranë
Artan Drazhi, 34 vjeç, arrest me burg lindur dhe banues në Elbasan
Ervin Tahiri, 40 vjeç, arrest me burg lindur dhe banues në Tropojë.
Operacioni “Krasta” u finalizua pas disa viteve hetime dhe përgjimesh nga të cilat u mundësua dokumentimi edhe i tri ngjarje kriminale të ndodhura vite më parë në Elbasan ku implikohen edhe pjesëtarë nga fisi Çapja për hakmarrjet me familjen Mema dhe gjithashtu u zbulua dhe goditet edhe një rast korrupsioni i kryer nga punonjës shtetërorë të Autoritetit të Mediave Audiovizive, duke vënë në pranga 7 persona, mes të cilëve dy gazetarë duke sjellë arrestimin e tyre.
