Gjykata ka liruar nga qelia dy ish-vartësit e ish-kreut të RTSH-së, Thoma Gëllçit. Ervin Murja e Julian Tapia janë liruar, pasi u përfundoi dënimi me afatet e paraburgimit.
Vendimi është marrë nga gjyqtari Erjon Çela, pas kërkesës së dy ish-anëtarëve të Komisionit të Vlerësimit të Ofertave për shuarje të masës së sigurisë.
Julian Tapia dhe Ervin Murja u dënuan me nga 1 vit burg secili, për akuzën e “Shkeljes së barazisë në tendera”.
Shkelja bën fjalë për një tender të vitit 2018 me fond prej 87 milionë lekësh, me qëllim blerjen e pajisjeve për kanalin RTSH Agro, ku anëtarët e Komisionit të Vlerësimit të Ofertave, akuzohen për “shkelje të barazisë në tender”.
