Ambasadori i Britanisë së Madhe në Kosovë Ruairi O’Connell, ka reaguar ashpër ndaj vendimit të Gjykatës Themelore në Prishtinë e cila liroi Sami Lushtakun nga akuzat për keqpërdorim të pozitës zyrtare.
O’Cunnell është shprehur ky vendim nuk është një shenjë e mirë dhe se në Kosovë ka një strategji të qëllimshme për të lejuar kriminelët të ecin lirshëm. Ambasadori shtoi më tej se për lirimin e Lushtakut festojnë vetëm miqtë e tyre.
”Përsëritja e të njëjtit gabim për dy apo tre herë mund të jetë shkak i paaftësisë apo moseksperiencës. Trajnimi do të ndihmonte në zgjidhje të këtij problemi. Por Kosova ka pasur me vite të tëra trajnime.
Në vend të kësaj, duke bërë të njëjtin gabim, kohë pas kohe duket sikur kjo është një strategji e qëllimshme për të lejuar kriminelët të ecin lirshëm. Dështimi i Kosovës për të luftuar krimin na dëmton të gjithëve, përveç kriminelëve dhe miqve të tyre jo – kuptohet”, shkruan O’Connell.
