Liria e medias është një problem themelor në shumë vende të Ballkanit. Problemi më i madh është kur gazetarët sulmohen fizikisht. Në Kosovë nga janari në nëntor janë sulmuar fizikisht 24 gazetarë për shkak të punës së tyre.
Sulmet fizike, shantazhet, kërcënimet dhe presionet nga jashtë janë vetëm disa nga sfidat me të cilat janë përballur gazetarët gjatë këtij viti. Janë plot 24 mbi të cilët ka pasur sulme të ndryshme.
Në 11 raste kanë marrë kërcënime verbale për jetë, në tri sulme janë sulmuar fizikisht, një rast me burgosje të paligjshme nga autoritetet maqedonase, një shkatërrim prone dhe dy gazetarë kanë pasur ndërhyrje në sistemin kompjuterik. Të dhënat janë prezantuar nga një raport i Asociacionit të Gazetarëve të Kosovës.
Kryeprokurori i shtetit, Aleksandër Lumezi, ka thënë se Prokuroria do t’u dalë në ndihmë gazetarëve sa herë që nevojitet.
Kryetari i AGK-së, Shkëlqim Hysenaj, shprehu shqetësimin se Gjykatat vazhdojnë të kenë probleme për shqyrtimin e rasteve, ku janë të përfshirë gazetarët.
