Shtetasi Frederik Tata, i akuzuar për prostitucion, është lënë në burg nga Gjykata e apelit në Shkodër. Kjo e fundit nuk ka pranuar zëvendësimin e masës së sigurisë për Tatën, i cili është arrestuar pak kohë më parë.
Seanca u zhvillua me dyer të mbyllura nga gjyqtarja Lindita Hoxha në prani të prokurorit të apelit Brahim Dragjoshi dhe avokatit mbrojtës Ilir Golemi.
Apeli vendosi mospranim të ankimit të shtetasit Frederik Tata duke lënë kështu në fuqi vendimin e shkallës së parë “arrest me burg”, ndërsa në sallën e gjyqit Frederik Tata ka kundërshtuar këtë vendim duke thënë se është i pafajshëm.
Tashmë pritet që çështja të shkojë edhe njëherë në gjykatën e shkallës së parë ku do të zhvillohet gjyqi i themelit për të akuzuarin.
