Një shkrim i Martin Banks, i publikuar në eureporter.co, flet jo vetëm për javën e bisedimeve të kryeministri Edi Rama në Bruksel, por edhe për mënyrën se si fushata zgjedhore e PD-së do të influencojë negativisht në takimet e tij.
Më tej Banks, shkruan lidhur me kontratat fiktive të PD-së me kompanitë lobuese me seli në SHBA. Sipas tij fotografia e Bashës, e bërë para zgjedhjeve të 25 qershorit me Presidentin Trump, është financuar nga një biznesmen turk emrin Kamil Ekim Alptekin, mik i kryedemokratit.
Por biznesmeni turk, kishte bashkëpunuar me ish-këshilltarin e Trump Michael Flynn, i cili tashmë është nën hetim, pasi kishte shitur informacion për Rusinë gjatë zgjedhjeve të SHBA-së.
“Pas një sërë zbulimesh të Rrjetit Ballkanik të Gazetarisë Hulumtuese (BIRN), Prokurori i Përgjithshëm i Shqipërisë të enjten (30 nëntor) tha se prokurorët e rrethit të Tiranës kishin hapur zyrtarisht një hetim mbi llogaritë e Partisë Demokratike rreth asaj se sa kishte shpenzuar në kompanitë lobuese të SHBA. Sipas raporteve të BIRN, lobistët, të lidhur të gjithë me partinë republikane amerikane, u ofruan kontrata me vlerë afërsisht 1 milion dollarë, shumica e të cilave u kaluan përmes entiteteve në det të hapur dhe nuk u regjistruan si shpenzime partiake sipas ligjit zgjedhor të Shqipërisë”.
Lidhur me këtë rast prokuroria ka nisur hetimet për mashtrim dhe falsifikim.
“Prokuroria e Shqipërisë javën e kaluar konfirmoi se po heton mashtrimin ose falsifikimet e mundshme në pasqyrat financiare të partisë opozitare. Kreu i Prokurorisë së Rrethit të Tiranës, Petrit Fusha, i tha BIRN-it se po mbledhin dokumente mbi kontratat lobuese të partisë në Uashington. Kërkesat për informacion ishin dërguar në parti dhe në Komisionin Qendror të Zgjedhjeve”.
Por lidhur me fushatën elektorale të PD-së, për zgjedhjet e 25 qershorit bëri bujë dhe fotoja e tij me Presidentin amerikan Donald Trump.
“Prokurorët u alarmuan pasi BIRN zbuloi se gjatë fushatës për zgjedhjet parlamentare të 25 qershorit, Partia Demokratike nënshkroi dy kontrata me lobistët amerikanë Stonington Strategies për të siguruar takime me figura të larta në administratën e Presidentit Donald Trump.
Kompania tha se mori dy pagesa nga PD me vlerë 525,000 dollarë amerikanë plus një pagesë e tretë prej 150,000 dollarë amerikanë nga “Biniatta Trade LP” – një kompani e regjistruar në Skoci, nën pronësinë e dy kompanive Belize.
Pak përpara zgjedhjeve, Basha postoi një fotografi me presidentin amerikan Donald Trump, por tani raportohet se fondet për mundësinë e tij të fotografisë me Trump erdhën nga një biznesmen i dyshuar turk me emrin Kamil Ekim Alptekin, thuhet se ishte një mik i Bashës”.
Por biznesmeni turk në vitin 2016, kishte një kontratë lobimi që implikon dhe këshilltari i mëparshëm i sigurisë, Michael Flynn, i cili tashmë është nën hetim nga prokurori, pasi dyshohet se gjatë zgjedhjeve presidenciale në SHBA, i ka dhënë akses Rusisë.
“Në vitin 2016, Kemal kishte një kontratë lobimi që implikoi ish-këshilltarin e Presidentit, Trump, për Sigurinë Kombëtare, Michael Flynn, për të rrëmbyer liderin fetar, që jeton në SHBA Fethullah Gylen, për t’ia dërguar atë qeverisë turke, e cila e cilëson Gylenin si të dyshiarin kryesor që qëndron pas grushtit të dështuar të shtetit.
Flynn dhe djali i tij, Michael Flynn Jr, u takuan me zyrtarët e qeverisë turke në dhjetor 2016 – pasi Michael Flynn ishte zgjedhur tashmë si këshilltar i sigurimit kombëtar – dhe thuhet se ata kanë diskutuar “mundësinë e transportit të Gulenit në një avion privat në burgun turk , në ishullin e Imrali “.
Flynn dhe djali i tij, Michael Flynn Jr, u takuan me zyrtarët e qeverisë turke në dhjetor 2016 – pasi Michael Flynn ishte zgjedhur tashmë si këshilltar i sigurimit kombëtar – dhe thuhet se ata kishin diskutuar “mundësinë e transportit të Gulenit në një avion privat në burgun turk , në ishullin e Imrali”.
Flynn është personi i parë brenda administratës së Presidentit Donald Trump që ndaj tij do të kryehet një hetim i posaçëm nga Robert Mueller.
Sipas një deklarate të FBI, Flynn komunikoi me ambasadorin e atëhershëm rus në Sergej Kislyak, pasi u pyet nga një zyrtar i lartë i tranzicionit Trump, kishte për të zbuluar se si qeveritë e huaja qëndronin mbi një rezolutë të Këshillit të Sigurimit të OKB-së për Izraelin. TIRANA TODAY
