“Për atë që tashmë njihet si rasti i ri “NarcoJet”, kokaina e kapur në Spanjë që erdhi nga Kolumbia, nxori zbuluar trafikantët e rinj të drogës, dhe bëhet fjalë për shqiptarët,” kështu e nisin një artikull mediat spanjolle.
Goditja e mafies shqiptare në Madrid ku u sekuestruan 1 ton drogë dhe u arrestuan dy shqiptarë, ka bërë që edhe një herë autoritetet ndërkombëtare të kthejnë vëmendjen nga Shqipëria.
Radio spanjolle “Caracol” shkruan se mafia shqiptare ka një rol të rëndësishëm sa i përket trafikut të kokainës nga Kolumbia dhe lidhjeve të saj me kartelet e drogës në Amerikën Latine.
Shqiptarët shfrytëzojnë Spanjën si portë hyrëse e kokainës në Evropë, shkruhet në artikull.
Më tej bëhet e ditur se “mafia e rrezikshme shqiptare blen drogë kolumbiane. Pesë vetë u kapën, ku mes tyre ishin dhe 2 shqiptarë”.
Nërsa, radio Caracol mësoi rreth raportit që është në posedim të Interpolit dhe ku aty detajohet rrezikshmëria e këtij grupi që trafikonte drogë në Evropë dhe për të cilët punojnë disa organizata të sigurisë.
“Shumë nga anëtarët e grupeve kriminale kanë marrë pjesë në luftën e Ballkanit dhe për këtë arsye ata veprojnë me profesionalizëm ushtarak dhe qëndrojnë jashtë brutaliteti . Duhet të theksohet se këto grupe kriminale në vendet e Evropës Lindore janë karakterizuar nga rruga e tyre e punës, bazuar në besnikërinë e anëtarëve të saj, të cilat arrijnë të kontrollojnë familjet e tyre në Shqipëri me të holla për t’i mbajtur ata, por në të njëjtën kohë për t’i kthyer ata në pengje, duke arritur të zgjerojnë lidhjet e tyre në të gjithë Evropën “.
“Njerëzit që i përkasin rrethit të besimit të organizatës i kanë lidhje gjake ose kanë fituar besimin e krerëve të organizatave”.
Informacioni i këtyre grupeve është tashmë në duart e autoriteteve në pesë vende, të gjithë të interesuar për të frenuar trafikimin e drogës dhe për të kapur ish ushtarakët. TIRANA TODAY
