Udhëheqësit evropianë po reagojnë ndaj Vladimir Putin, që njoftoi se rezervistët do të thirren për të luftuar në Ukrainë.
Kryeministri i Republikës Çeke, Petr Fiala, thotë se mobilizimi i pjesshëm “është një përpjekje për të përshkallëzuar më tej luftën e nisur nga Rusia kundër Ukrainës” dhe “provë e mëtejshme se Rusia është agresori i vetëm”.
Fiala tha se ishte thelbësore që të vazhdonte dhënien e ndihmës për Ukrainën, dhe ishte në interesat çeke për të vazhduar një gjë të tillë.
Republika Çeke ka furnizuar forcat e armatosura të Ukrainës me armë të rënda, duke përfshirë automjete të blinduara, helikopterë dhe sisteme artilerie. Ishte vendi i parë që dërgoi tanke në Ukrainë.
Zëvendëskancelari i Gjermanisë, Robert Habeck, e përshkruan mobilizimin si “një tjetër hap i keq dhe i gabuar nga Rusia”.
Kryeministri holandez Mark Rutte, i quajti planet e mobilizimit dhe referendumit “një shenjë paniku”.
Burimi i lajmit: BBC. Përshtatur nga Tirana Today
