Një ngjarje e rëndë ndodhi mbrëmjen e sotme në Liban, ku si pasojë e një shpërthimi të fuqishëm ndërruan jetë 25 persona, ndërsa u plagosën 2200 të tjerë.
Raportohet se ka ndërruar jetë edhe lideri i partisë “Kataeb”, Nazar Najarian. Ai ndodhej në zyrën e tij kur ndodhi shpërthimi.
Ende mbeten të panjohura shkaqet e ngjarjes fatale.
Ndërkohë kryeministri Hassan Diab ka shpallur të mërkurën Ditë Zie për shkak të numrit të madh të të lënduarve dhe viktimave.
Thuhet se shpërthimi i fuqishëm që u regjistrua sot në Liban është ndjerë deri në Qipro.
Gazetarja qipriote Emilia Papadopoulos bën me dije se edhe pse largësia mes dy vendeve është të paktën 240 km, shpërthimi është ndjerë, madje shumë njerëz menduan se bëhej fjalë për një tërmet.
