Policia e Lezhës ka arrestuar në flagrancë 4 persona për një sasi të madhe droge dhe municionesh. Operacioni është zhvilluar në rrugën Bukmir- Kallmet.
Sipas të dhënave zyrtare policia e Lezhës arrestoi në flagrancë shtetasit Xh.G., A. G., N.G. dhe P.G., përkatësisht 30 vjeç, 35 vjeç, 55 vjeç e 26 vjeç, banues në Lalm i Ri dhe Ishull Lezhë.
Në cilësinë e provës materiale u sekuestruan 131 kg cannabis sativa, 30 fishek model 56, 53 copë kapsolla detonatorë, 10 copë fitila zjarr përcjellës me gjatësi 80 cm si dhe një kallëp tritol. Materialet i kanë kaluar për procedime të mëtejshme prokurorisë.
