Një aksident i rëndë me pasojë vdekjen ka ndodhur në aksin Milot-Mamurras te kryqëzimi i Patokut.
Automjeti tip “ML” me targa AA 484 KH që drejtohej nga Mhill Ndreca ka përplasur këmbësoren Zejnepe Koçin, banuese në Kurbin, e cila ka ndërruar jetë. Viktima ishte duke kaluar rrugën kur u përplas nga automjeti.
Policia ka shoqëruar në komisariat drejtuesin e mjetit Mhill Ndreca, 56 vjeç, për veprime të mëtejshme procedurale hetimore dhe për zbardhjen e plotë të shkaqeve të aksidentit.
