Mbrëmjen e djeshme, një ngjarje e rëndë është shënuar në Lezhë. Ish dhëndri Besnik Pjetri ka vrarë me armë ish-vjehrrin e tij Pjetër Përjaku dhe kunatin, Genti Përjakun. Burime zyrtare të policisë bëjnë me dije se shkak është bërë divorci me vajzën e tij. Ngjarja ka ndodhur në fshatin Grykë Zezë në Lezhë. Nga uniformat blu janë ngritur pika kontrolli, si dhe po bëhet krehja e zonës me qëllim lokalizimin dhe kapjen e autorit. Grupi hetimor në vendngjarje vazhdon punën hetimore, për zbardhjen e plotë të rrethanave të ngjarjes.
Pjetër Përjaku dhe Gent Përjaku, babë e bir, të cilët u vranë më armë zjarri nga ish-dhëndri i tyre Besnik Pjetri mbrëmjen e së hënës (29 gusht), dje ishin kthyer nga Italia. Ish-dhëndri, pas sherreve të vazhdueshme pas divorcit me gruan, ka shkuar në banesën e Pjetër Përjakut dhe i ka qëlluar me armë duke e lënë të vdekur atë dhe djalin e tij.
Njoftimi i policisë:
Rreth orës 23:00, në fshatin Grykë Zezë në Lezhë, ka ndodhur një krim në familje, ku dyshohet që shtetasi B.P., ka vrarë me armë zjarri shtetasit P.P. dhe G.P. (babë e bir), tek banesa e tyre, për shkak të një konflikti familjar.
Autori i dyshuar ka qenë pjesë e asaj familje, ish dhëndër i tyre dhe konflikti dyshohet se ka ardhur pas divorcit mes çiftit.
Janë ngritur pika kontrolli si dhe po bëhet krehja e zonës me qëllim lokalizimin dhe kapjen e shtetasit B.P.
Grupi hetimor në vendngjarje vazhdon punën hetimore për zbardhjen e plotë të rrethanave të ngjarjes.
