Në sajë të operacionit të koduar “500”, blutë e Tiranës kanë vënë në pranga një 37-vjeçar, pasi posedonte një sasi të konsiderueshme eurosh të falsifikuara. Bëhet fjalë për shtetasin me inicialet G.Xh, ku gjatë kontrollit të mjetit iu gjetën 20.500 euro të falsifikuara.
“Arrestohet një 37-vjeçar, për veprat penale “Falsifikim i monedhave”, dhe “Riprodhimi pa të drejtë i veprës së tjetrit”. Sekuestrohen në cilësinë e provës materiale 20.500 euro të dyshuara të falsifikuara, automjeti e aparate celular.
Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Tiranë, në kuadër të operacionit të koduar “500”, arrestuan në flagrancë shtetasin G. Xh., 37-vjeç, banues në Kavajë. Në sajë të informacioneve të marra në rrugë operative, në rrugën “Sadik Petrela” u bë ndalimi i mjetit, me të cilin ky shtetas po lëvizte.
Gjatë kontrollit iu gjetën 20.500 euro të dyshuara të falsifikuara, të cilat u sekuestruan në cilësinë e provës materiale, bashkë me mjetin dhe dy aparate celular. Materialet proceduriale i kaluan Prokurorisë pranë Gjykatës së Rrethit Gjyqësor Tiranë, në ngarkim të shtetasit të sipërpërmendur, për veprat penale “Falsifikim i monedhave” dhe “Riprodhimi pa të drejtë i veprës së tjetrit”, parashikuar nga nenet 183 dhe 149/a të Kodit Penal.
