Lëvizjet e fundit të prokurorëve në rrethe ka shkaktuar paqartësi tek publiku i gjerë. Për ekspertët e fushës së drejtësisë, lëvizjet e tilla nuk janë të rastësishme, por kanë një prapavijë që jo të gjithë e dinë.
Avokati Neshat Fana, tha se lëvizjet e fundit të prokurorëve në rrethe nuk janë të rastësishme.I ftuar në “Arena” në Ora News the se prokurori ka klane interesash, duke shtuar se kryeprokurori Lalla gjatë kohës që ushtronte punën si kryeprokuror i përgjithshëm, ka patur dorë të lirë në emërime, duke qenë i përkëdheluri i ish-presidenti të Republikës, Bujuar Nishani.
Ai shkon më tej ku thotë se Lalla ka qenë i mbrojturi i Nishanit, pasi i ka dekalruar se edhe në rast se unë largohem, ti do të vijosh të qëndrosh prokuror.
Fana: Ke të bësh me një grup prokurorësh të preferuar të Prokurorit të Përgjithshëm kanë drejtuar prokurori të rëndësishme.
Çfarë e pengonte Llallën të bënte emërimet?
Fana: Ka një këshill të prokurorisë që nuk ka vendim detyrues. Ka pasur jo një por dhjetëra raste kur është votuar me disa vota dhe prokurori i përgjithshëm ka emëruar një person me një votë.Ky kryeprokuror ka pasur edhe një fat. Nga ish-Presidenti Nishani nuk është vendosur kurrë në presion, nuk është kontrolluar kurrë. Presidenti ka pasur kompetencën. Dekreti e nxirrte Presidenti. Për sa kohë nuk pashë në 5 vite të bëhej një analizë dhe në krye të ishte Presidenti i Republikës… çka do të thotë se janë shmangur përgjegjësitë ligjore. Kjo do të thotë se kryeprokurori ka pasur dorë të lirë të kryej emërimet. I ka siguruar që edhe nëse unë iki, ti do të jesh prokuror. E gjithë kjo gjë njihet dhe brenda prokurorisë ka miqësi, aleanca, shtresëzime.
